Драмскиот театар од Скопје ќе гостува во Народно позориште во Белград на 8 септември со претставата „Александар“ по повод одбележувањето на Денот на независноста на Македонија. Автор и режисер на претставата е актуелниот амбасадор на нашата земја во Србија, Љубиша Георгиевски.

Георгиевски е задоволен што втората сезона на претставата ќе почне токму на сцената на Народно позориште во Белград бидејќи емотивно е врзан со овој театар откако по реновирањето, во 1989 година, е отворен со неговата претстава „Карамазови“.

Актерската екипа ја сочинуваат Дејан Лилиќ, како Александар, во улога на неговата мајка Олимпија, актерката Јелена Жугиќ, Ѓорѓи Јолевски како Аристотел, Бранко Ѓорчев во улогата на Птоломеј и Зоран Љутков во улога на Клит.

„Александар“ беше премиерно изведена во април минатата година.

Управникот на Народно позориште, Божидар Џуровиќ, најави дека до крајот на годината ќе има изведба на претставата „Дервишот и смртта“ во Скопје. Претставата е во режија на Егон Савин. Во улогата на Ахмед Нурудин настапува нашиот актер Никола Ристановски, за која ја доби престижната Стериина награда.

          Извор “Дневник“ 04.09.2010

Скопскиот Александар Македонски во Белград

Во претставата нема никакви провокации во смисла чиј е Александар. Да сакав да го присвојувам, ќе напишев свечена академија, а не драма, рекол авторот и амбасадор на Македонија во Србија, Љубиша Георгиевски

Претставата "Александар" во режија на Љубиша Георгиевски ќе гостува во Белград на осми септември, по повод Денот на независноста на Македонија. Завчера екипа од нашиот Драмски театар одржа и прес-конференција во Белград. Српските медиуми ја нарекуваат "Александар" прва претстава во историјата на македонската драматургија што се занимава со Александар Велики.

Управникот на Народниот театар од Белград, Божидар Ѓуровиќ, го нарекол Георгиевски голем југословенски режисер и еден од најзначајните македонски режисери и писатели и порачал дека може да се очекува првокласно театарско случување.
Георгиевски, пак, изјавил дека "Александар" не е авангардна, туку сосема меинстрим претстава.
"Кратка е и јасна, трае помалку од два часа, но полна со заплети и пресвртници. По перипетиите е рамна на комедискиот ритам. Во неа нема никакви провокации во смисла чиј е Александар. Да сакав да го присвојувам, ќе напишев свечена академија, а не драма", рекол Георгиевски и изразил задоволство што втората сезона на играње на претставата започнува токму на големата сцена на Народно позориште во Белград, пренесува порталот Seecult.
Актерот Дејан Лилиќ, кој го игра Александар, рекол дека претставата е преполна со страст и љубов не само кон татковината, туку и кон луѓето.

"Направивме една човечка драма. Преку неа и преку оној мал микрокосмос кој сите го носиме во себе, стигнавме до макрокосмосот, односно до суштината на светот. Се разбира, тука се поставува прашањето што е суштината на светот. Тоа секогаш било главно прашање. Значи, каде е почетокот, каде е крајот, што е правилно, што не е... Ние овде зборуваме за вредностите на човекот и неговите емоции во односот на целиот свет околу него. Многу е интересно што низ оваа претстава можеме да ги согледаме сите напредни идеи кои Александар ги имал пред 2.500 години, а кои ги гледаме и денес во овој модерен свет. Значи, во прашање е глобализацијата на едно ниво каде што сите се еднакви, но без оглед на тоа, имаат право да живеат за себе", рекол Лилиќ.

Александровата мајка Олимпија ја игра Јелена Жугиќ, која кажала дека во Македонија некои очекувале дека во неа ќе има малку повеќе македонштина.
"Место тоа, ние понудивме малку повеќе човештина во неа и затоа секаде бевме фантастично примени", рекла Жугиќ.

Народниот театар од Белград до крајот на годинава би требало да гостува во Скопје со претставата "Дервишот и смртта" од Меша Селимовиќ, во режија на Егон Савин, претстава во која главната улога ја игра нашиот Никола Ристановски.

          Извор “Вечер„ 04.09.2010

Нескромно ќе речам дека нашиот сон буквално 100 отсто успеавме да го реализираме. Не' радува што едни од најважните луѓе што го создаваат светскиот театар ќе дојдат на фестивалот - рече Стевковски

Дванаесет странски и шест македонски претстави ќе види публиката на јубилејното 35. издание на фестивалот Млад отворен театар во Скопје. Од 18 до 26 септември на сцените во Младинскиот културен центар, Македонскиот народен театар, Македонската опера и балет и Драмскиот театар ќе се реализира програма што ја обединува мотото „Обиди се да сонуваш“. Фестивалот ќе биде отворен со француската претстава „Кралот умира“ од Јонеско, во режија на Романецот Силвиу Пуркарете, кој ќе биде гостин. МОТ влезе во копродукција со пет други фестивали и театри.

СЕ ШТО ПОСАКАВМЕ НИ СЕ ОСТВАРИ

- Уште кога почнавме да размислуваме за јубилејот знаевме дека се' што ќе направиме мора да биде вредно и достојно за фестивалот. Нашето мото годинава содржи голема симболика и има повеќе значења. Нескромно ќе речам дека нашиот сон буквално сто отсто успеавме да го реализираме. Не' радува што едни од најважните луѓе што го создаваат светскиот театар ќе дојдат на фестивалот - рече директорот на МКЦ, Златко Стевковски.

Селекторот на фестивалот, Дејан Пројковски, кој ја претстави програмата, рече дека во создавањето на концептот целосно биле свесни за важноста и постоењето на фестивалот.

- Мотото годинава ни е продолжување на приказната од лани. Секоја година се трудиме да растеме во континуитет и со нова приказна. Дали да се сонува денес значи храброст? Дали значи дрскост или залудно изгубено време? Да се сонува значи повторно сизифовски да се пркоси, да се тргне по патот на проклетството на Одисеј, со шаманска упорност да се бара храброста и во отфрлањето на целокупната доминација на глобалниот универзален банализам, значи да се предизвика вечната судбина на отфрленоста - вели Пројковски.

За копродукцијата со Пуркарете, Пројковски објаснува дека МОТ учествува со најмалку пари, но очекува дека ќе имаме голема полза во наредните две години, колку што се планира да трае турнејата на претставата.

- Нашиот влог во претставата чини колку и да донесете некоја претстава да гостува. Не учествуваме со авторски тим, но отворени ни се вратите претставник на фестивалот да биде присутен секаде каде што ќе игра претставата. Така ќе имаме многу поголеми можности да ја следиме актуелната театарска сцена - објасни Пројковски, кој ја промовира програмата.

БАРБА, КОРШУНОВАС, ВИСНИЕК ВО СКОПЈЕ

Од гостите на фестивалот, организаторите го издвоија доаѓањето на литванскиот режисер Оскар Коршуновас, еден од најзначајните режисери на денешницава. Ќе биде изведена неговата „Сон на летната ноќ“. Актерот од театарот „Один“ на легендата на европскиот театар - Еуџенио Барба, ќе бидат исто така гости на фестивалот. Организаторите најавија дека Барба нема да дојде на МОТ, но во ноември ќе одржи седумдневна работилница во Скопје. Во рамки на фестивалот работилница за актери ќе има актерката Ибен Нагел Расмусен, која е негова соработничка неколку децении.

Нивниот театар ќе изведе две претстави - „Мало, малечко“ и една претстава-демонстрација што ќе ја претстави работата на театарот.

Од Словенија, исто така, ќе дојде и театарот „Глеј“ со „Мост на крвта“.

Една од најпровокативните претстави на фестивалот ќе биде француската „Либидо сциенди“ на Паскал Рамбер, во која играат двајца актери целосно голи. Истарскиот народен театар ќе гостува со „Салома“ во режија на Дамир Златар Фреј. Од Луксембург ќе дојде компанијата „Култур фабрик“ со претставата „Мансарда во Париз со поглед на смрт“. Текстот е на романскиот автор кој живее во Франција, Матеј Висниек, кој исто така ќе дојде на фестивалот. Претставник од Бугарија ќе биде Драмскиот куклен театар „Константин Величков“ од Пазарџик со претставата „Уметноста на метење ѓубре под килим“ на Десислава Шпатова. Редовниот гостин на МОТ, Словенски младински театар, ќе гостува со две претстави - „Проклет да биде предавникот на својата земја“ и „Љубов моја“.

Од македонските претстави, ќе ги видиме „Кавкаскиот круг со креда“ на Прилепски, „Госпоѓица Јулија“ на Турскиот театар, „Спиноза“, копродукциската на Мал драмски театар и Драмски театар и „3327 - Деветте книги на Никола Тесла“ на Златко Славенски, „Жената како воено поле“ на Драмски, независниот проект „Лили“ на режисерката Софија Ристевска и „Тупаница полна со љубов“ на МНТ.

Освен претстави, ќе има и придружна музичка програма - концерти, диџеј-сетови. Стевковски го издвои настапот на поетот Никола Маџиров и музичарот Зоран Маџиров на 24 септември.

Буџетот на фестивалот и годинава е 3,5 милиони денари од Министерството за култура и 900.000 денари од Град Скопје.

          Извор “Дневник„ 03.09.2010

SEASON 2 OF THE HIT SHOW ON STYLE NETWORK!

The Style Network is currently searching for Dallas moms & their daughters for the second installment of the hit series, "Dallas Divas & Daughters."

* Do heads turn when you two walk by?
* Are you sometimes mistaken for sisters?
* Is your lifestyle the envy of everyone in your town?
* Are you crazy for couture?
* Do you have a love/hate relationship?
* Do people always tell you, YOU should have your own TV Show?

Then we want to hear from you!

Candidates MUST live in the greater Dallas, Texas area, and daughters should be high school to college age.

TO SUBMIT:
Be sure to mention you heard about this from Jeff Gund at INFOLIST.com for priority consideration, and email ALL the information requested below ASAP to:
Оваа е-пошта е заштитена од spambots, треба да вклучите JavaScript за да ја видите
Be sure to include:
1.  Your name (first and last)
2.  Contact phone number
3.  Recent photo(s) of mother and daughter (jpg format please)
4.  A brief paragraph about your story, and why you'd be great for this show!
5.  Be sure to mention you heard about this from Jeff Gund at INFOLIST.com for priority consideration!

         Извор www.teatar.com.mk, 03.09.2010